آ‘َحّـ مّ ــدّ الْـصّـآ‘ًنِـعّ ... شّـآ‘َعِـرّ يَقْتَحِم الْقُلُوبَ لِيَسْتوطِنَهَا

[ăήғăş]

http://up3.m5zn.com/photo/2009/5/15/04/ddkpdv5nj.jpg/jpg


أسعد الله قلوبكم جميعا بكل خير

ودت هُنا أن أجعل هذه الصفحات تختص بـ كل ماجمعته

عن الشاعر الشاب المتألق

آ‘َحّـ مّ ــدّ الْـصّـآ‘ًنِـعّ

الذي أشاد به الجميع من إعلاميين وشعراء

لـ ذلكـ أضع هُنا بين أيديكم بعض السطور وبعض الكلمات

التي سطرها قلم هذا الشاعر الرائع

،‘

‘،

،‘

قالوا عن . . آ‘َحّـ مّ ــدّ الْـصّـآ‘ًنِـعّ . .

،‘

‘،

من أجمل الأسماء التي مرت بي ومررت بها حتى وصلت إلى
إبتسامة لا تفارق قلبي إلاّ من خلاله
ترافقت معه كـ الأحباب وتجاذبت معه النبض
وجدفنا في بحر الأحاسيس الهادئة
منذ رأيته في عام 2000 م تقريباً وأنا أقرأ في
ملامحه الوصول بالكلمة إلى شواطئ الإبداع
شاعر مليء بالحب والمشاعر , شاعر لم يأتي
من الخيال بل الواقع الذي نعايشه بكل صدق ,
أحمد الصانع شاعر يقتحم القلوب ليستوطنها
ويرشها بعطر حروفه
وأنا فخور كل الفخر بمعرفته

" الشاعر عوض نفاع "

‘،

،‘

هو أصعب أنواع التعبير الشعري وأبرز تلك الأسماء
الشاعر الغنائي أحمد الصانع
بالفعل أحمد يعبر عن تجربة النجاح الحقيقي
والذي يبقى معترفاً بفضل الله دون غيره
حيث سابقته نفسه للشهره وقدمته قصيدته الحقيقيه

دون أن يطبل أو يُلَمع له من قبل أي مطبوعه
أو وسيله أعلاميه
تحياتي لهذه الشاعر الذي صنعه نفسه وأطربنا
بنصوصه الشعريه وتعاوناته الفنيه

الإعلاميه " الشاعره " ولاء عواد








يتبع ..

[ăήғăş]

مــوَّت غيـــاابك ســـوالف !


http://up3.m5zn.com/photo/2009/5/15/04/0kurwx2vf.jpg/jpg

:
:

تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!

فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!

[ăήғăş]

http://up3.m5zn.com/photo/2009/5/15/04/fac9xvreu.jpg/jpg

:
:

تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!

[ăήғăş]

http://up3.m5zn.com/photo/2009/5/15/04/pjs7d08uf.jpg/jpg

:
:

تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!

[ăήғăş]

http://up3.m5zn.com/photo/2009/5/15/04/tvhpuvdv7.jpg/jpg

:
:

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما أخونك لو تجافي
ما هو آنا اللي إن ضاقت
علي الدنيا / خنت

[ăήғăş]

http://up3.m5zn.com/photo/2009/5/15/04/pgnns8nyq.jpg/jpg

:
:

تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج \ صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
ماااات
فايق في العراق !!

[ăήғăş]

http://up3.m5zn.com/photo/2009/5/15/04/f11gh45z2.jpg/jpg

:
:

غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

[ăήғăş]

http://up3.m5zn.com/photo/2009/5/15/05/x2jjjnvkp.jpg/jpg

:
:
تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

[ăήғăş]

http://up3.m5zn.com/photo/2009/5/15/05/lylsicg9z.jpg/jpg

:
:
عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

[ăήғăş]

عــلاقة حُــب مجنـوونهــ !!

http://up3.m5zn.com/photo/2009/5/15/05/2vq44bzaz.jpg/jpg

.
.
.
تِصَدِّق وإلا ما تِصَدِّق .. أنا عَاجِز عَن التفكير
تعَال وشُوف في عينِك غِيابك وش عَمَل فيني

حبيبي ما بُقى عِندي صَبر .. يتحَمَّـل التأخير
رَحَلت .. وعِقبك الدنيا غلاها طاح مِن عيني

أجَاوب اللِّي يسألني عَن أخبَاري وأقول بخير
وأنا لا خِير بغيابك .. ولا حَاجَه .. تهنيني !!

على طاريك كِل لحظه .. ولا أحتاج للتذكير
حَريص القلب ما ينسَى عيونِك , لا توصيني

مَحَد يِقدَر يعَوِّضنِي لأنِّك .. في عيُوني غير
ومَهمَا شِفت أنا الفرحَه .. بدونِك ما تسليني

أنا خِنتِك .. وهالغلطه حبيبـي ما لَهَا تبرير
علاقة حُب مَجنُونَـه .. ما بين أحزاني وبيني

وكيف الحَال وشلوني .. جَوابٍ ما يَبي تفسير
بدونِك إنت , ما تِضحَك حَياتي وترمِش سنيني

مِثل شَاعِر عِجَز يوصَف شعُوره وخانه التعبير
أنا ضايع .. ولا أدري مِن فراقِك .. أنا ويني

مِثل طيرٍ كِسَر بُعدِك جَناحَه وما قِدَرت آطير
أحَاول أبتِسِم وأنسَى ولكن وش ينسيني..؟!

أشُوفِك في صباحي إنت مَعنَى يا صباح الخير
وأشُوفِك في مَسَائي حِلم وردي .. لا تصحيني

تِصَدِّق .. السَهَر يَرسِم عيُوني ويتقِن التصوير
ويشِق النُور في صفحة حياتي .. وما ألاقيني

أنام شلون ومشكلتي عِجَزت ألقى لَهَا تدبير
طِلَبت النُوم .. لحظاته وعيَّى النُوم يعطيني

تِغيَّر وجهَي .. مِن أوَّل غيابك وإبتِدَى التأثير
حبيبي .. مِنْ التَّعَب كافي خذيت اللِّي يكفيني

يا أغلى مِن رَحَل عنِّي يا كِل الحُب والتقدير
تعَال: إن كان لِي عِندِك مَعَزَّه وكان تغليني

تعَال: إن كِنت تعشقني وإذا فِعلاً تبي لي خير
تعَال: ومِد لِي .. كَف الوَصِل .. وآمِد .. كَفيني

إذا كان الجِفا واجِب بدى مِن قلبي التقصير
أبيك الحِين تِرجَع لِي .. ولا تِرجَع تخليني

أنا ما أقول اللِّي صَار فِيني ما هقيته يصير
لأنِّي كِنت .. ( مِتأكِد ) .. بأنَّ البُعد ينهيني




يتبع ..

[ăήғăş]

http://up3.m5zn.com/photo/2009/5/15/09/xy6srfiso.jpg/jpg



مات كل شعب الكويت !! .. ( مرثيَّة الشيخ جابر )

[ جابر الأحمد الصباح ]

لم يتوفَّى قائد ...

توفَّت بلاد ..!


.
.



الخَبَرْ جَاني: وأنا في النُـوم خَالِـدْ مـا صَحيـتْ

أسْمَعْ أصواتْ الشـوارعْ تَبْكِـي يُـومْ الله خـذاه

[ جَابِـرْ الأحْمَـدْ ] توفَّـى ليتنـي قَبْلَـه ياليـتْ

الحَياه / مِنْ غير جَابِرْ مالَهَـا داعـي الحيـاه !!

ما أبي (أبكي) ولكن .. دُونْ ما أشعر (بكيـت) !!

مِنْ غلاة إنسـان .. ربِّـي زارعٍ فينـي غـلاه

كيف ما أبْكي عليه !؟ وصورتَه فـي كِـلْ بيـتْ

دامْ حتَّى الأرْضْ تبكي مِنْ كِثِـرْ طيبـه وعَطـاه

يا وفاه إن جيتْ أسولف عنْ حياته ؟ و إنتهيتْ !!

ما أكفِّي ربع طيبه .. ومـا أجـي نقطـه بوفـاه

[جابر] اللي حتَّى بَحْره قال: مِنْ خيـره إرتويـتْ

كافلْ الأيتام منهـو .. سـوَّى بالعَالَـمْ سـواه ؟

:

ودِّي أتْكَلَّـمْ معـاكْ وغِيـر سَمْعِـكْ مـا بغيـتْ

والخبـر اللِّـي سِمَعْتَـه إطلعـتْ روحــي وراه

إسْمَعْ اللي صار فيني :بعد موتكْ.. ما حييـتْ !!

ومقْدَرَتْ رجْلي الوقوفْ وما نِفَعْ طِبْ وعصـاه !!

بعد موتكْ .. كيف حالي ؟ تصدِّق إنِّي ما دريـتْ

عايـشْ وميِّـتْ .. وقلبـي إمتلـى ضيقـه وآآه

كِلْ هالعَالَمْ دعا لكْ مـا هـو بَـسْ آنـا دعيـتْ

وكِلْ كويتي بَعَدْ موتكْ : إخْتَلَطْ صبْحَه بمسـاه !!

:

مِنْ توفَّى [ الشِيخْ جَابِرْ ] مَاتْ كِلْ شَعبْ الكويـتْ

لأنه هو ( نَبضْ البِلادْ ) وكِلِّنَا .. مِتْنـا معـاه !!

[ăήғăş]

لعبهـ جديدهــ



:



جديدهـ [ لعبتك ] هذي ..

رجُوعك , ليه أبي أفهم ؟!

ترى ما جيت فـي وقتِك / أنا مُو حاسِب حسابك

نسيتك أو تناسيتك .. ( دخيـل اللـه ) .. لا تهتم

وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم

قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]

زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه.. جبرنـي الجـرح : أتكلم

خيانـه شِفتهـا مِنِّك .. عِطِـرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم

كرهتِك حيـل صدقنـي وكِل هـذا مِن أسبابك

تقول : آسف ..؟! يا خلف الله !!

بقى بـ ( وجه ) التسامح / دم ...؟

أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم

وإلا ما أجـي عنـدك وأغيِّـر , ناتِـج أحبابك

تجينـي والندم واضـح ولا أقدر أقولك : سم

لأن الجرح من شافك تضايق قال : وش جابك

وإذا تحسبني برجـع لِك .. بلاش تفكر وتحلم

لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم

[ رجاءاً ] ..

إبتعِد عنَّي أنا مُـو ناقص ألعابك



:


للاستماع (http://www.movn.net/A7maD_AL_9ane3/Le3baH_jddedaH.ram)

[ăήғăş]

سـفينــة نـــوح

.
.

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ....

أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .

ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله

رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه

ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله . . .

كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله .

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشواله .

وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه

وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

في جياته ...... . يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!

من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه .

[ăήғăş]

http://up3.m5zn.com/photo/2009/5/15/10/1qxbaxjq4.jpg/jpg



ما تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

[ăήғăş]

http://up3.m5zn.com/photo/2009/5/15/11/xyab3uvx5.jpg/jpg


خبر عاجل


عسى ماشر؟ عساها خير؟ عسى ما به أحد تعبان
أنا مدري أنــــــــا ضايع أنـــــــــا أسأل أنــا أحاتي

( دبي ) شاللي مزعّلها؟ وأبوها فـــارس الفرسان!
( دبي ) شاللي يبكيها؟ و( زايد ) كــــل عباراتي!

( دبي ) شاللي ملبّسها الســــواد وبإيدها الاكفان؟
( دبي) شاللي معزيها؟ ومنكّّس حلْمها الآتـــي!

منو اللي مات مـــــــا أدري منو اللي يطلبوالغفران
منو اللـــــــــــي إنفقد فيها .. وصحّى نوم آهاتي

أحس الدنيا فيها شي أبد مــــــا هو على الحسبان
وإذا كـــــان الخبر ( زايد ) عساها تموت هقواتي

صحيح اللـــــــــــــي تقولونه؟ أو إني تايه و حلمان
أخاف إنْها إشاعه مـــــن حقود وقصده حسراتي

أبي أثبت لنفسي وقلت: ابتعوّذ مــــــــن الشيطان
وأدوّر إي قناه يمكن تريّح خــــــــوفي شاشاتي

خبر عاجــــــــــل: وفاة الشيخ ....... زايد آل نهيان
و(لااااا) تطلع بدون شعور وصوتي ضاع بسكاتي

يا ( زايد ) لا تكون إنتَ يــــــــا وجه الطيب والتحنان
يا ( زايد ) لا تخليني مـــــــــــــــع همّي ووناتي

ابوي إنتَ نعم إنتَ يـــــــــــــا قايد فزعة الشجعان
تمنيتك.. تخيّلتك.. لقيتك ... عــــــــــايش بذاتي

يا ( زايد ) أذكر إني جيت وكلمتك عـــــــن الغزلان
أنا اللي جيت لي عندك وسألتك عن قصيداتي

أنا اللي قلت لك مره قصيدة يــــــــــا رفيع الشان
أنـــــا اللي كنت تسألني وتشجعني فبداياتي

صحيت.. وكنت بحلامي وأثاريني أنـــــــــــا غفيان
تشتت كل مـــا شفته وضاعت كل طموحاتي

يا كيف تروح عــــــــــن عيني وتخليني أنا عميان
يــــــــــــــا نور الأرض والدنيا نهاياتك نهاياتي

يموت الخير والحكمه .. ويفْجَـــــع كوكب الأنسان
وأرثي ( الوالد القائد ) وبخط الدمــــع أبياتي

وشاللي بس أبي أكتب وكيف أقدر على الاوزان
فقدت الشعر وأوزانــه وكتبت أبيات دمعاتي

إماراتك سَبعْ لكـــــــــــــن بطيبك تملك الأوطان
أنا كـويتي وإذا شفتك أحس إنــي إمـاراتي

[ăήғăş]

.
.


قبل أبتدي عندي طلب ..
ركِّز
طلب ماهو " رجاء " !
ما أبي تجاوبني ..
ولا تستغرب إني أسألك

لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك

لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك ..
قلت لك !

هذي القصيده مصنِّفه في دفتري قصة " رثاء "
حبٍ يموت وتنولد ...,,
وحبٍ يعيش ويقتلك !

ناديت لك ياما ..
ولا لبِّيت لي , وضاع النداء !
مبحوح صوتي والصدى من كثر ما ناديت لك !

أقرب من ثيابي علي وأبعد من نجوم السماء
ورغم إبتعادك والتعب ..
أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي !!
عايش ولكن عشت " لك " !

علمتك القلب الوفي ..,
ما يخذلك فيه " إنتماء " !
وعلمتني كيف العشم في من تحبه .. يخذلك !!

علمتك إن أصل الهوى يرجع لـ كلمة " إحتواء " !
وعلمتني إن الهوى ,
ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..
ساحلك !

ما تستحي ,,
ودامك كذا ؟
- إفعل حبيبي ما تشاء !
توِّي عرفت إنِّي كثر ما أعْرِفِك ..
كنت أجهلك !

ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي ..,
والحين دوري أهملك !

لا صار قلبي لك وطن ..
أبسألك وين الولاء ..؟

وشلون حال المملكه ؟
- دام الخيانه من ( ملك ) !

إن كنت جاهل ..!
" لعبتك قلبي " وما فيها ذكاء
حتى الطفل إن جبت له [ لعبه ]..
- ولاءه صار لك !


.
.

[ăήғăş]

.
.


ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني

ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟

ومِنْهو يرتِّب .. غرفتي .. / والدفاتر
وإن شاف ( صوره ) لي ماتْ وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد / التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

[ صحيح مُسلم لكن : الهَم كافر
كل ما بغيت أضحك يهددني حزني ]

الضيق وافي .. والحزن حيل وافر
والجرح أكثر شي .. شفته يحبني

عايش وميِّت بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّه وحشني !!

( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!


.
.

[ăήғăş]

.
.


مطار القلب يتحـرى رجوعِـك , غيبتِـك تكفـي
أبكتب لِكْ ولا أقـدر علـى .. التعبيـر وإملائـي

غيابك ما رحَم حالـي وحرفـي آآآه يـا حرفـي
تلعثمت , وعجزت آخذ في وقـت البُعـد إجرائـي

أنا كلِّي عَطَشْ ضامـي أعيـش بغيبتِـك حتفـي
لأنك ساعة الضيقـه هـواي , وبالعَطَـش مائـي

أحبك يا [ وَطَنْ ] غالي عَليْ وحَضْرتِي ' منفي ' ..!
كفايـه لا تِشتِّتْنِـي تعـال .. وجَمِّـعْ أشيائـي !!

وَطَنْ شنهو وَِطَنْ .. إلاَّ عُيونِكْ في لُغة وصفي ..؟
غريبه شلونْ تتركْني .. وإنت بداخلْ ( أحشائي ) !

( ثلاثْ أيَّامْ ) تهجرنـي ولا بيَّنـتْ لِـكْ نزفـي
ودُواي اللِّي تِكاثرْتَه عَلـيْ وصِـرتْ لِـي دائـي

( ثلاثْ أيَّامْ ) ما نامَت عيوني وما قِدَرتْ أغفي !!
لي الله كِلْ ما حُولي غريـبْ وعَالَمِـي .. نائـي

( ثلاثْ أيَّامْ )وأنـوار المدينـه يـا الغـلا تطفـي
وتِعِمْ الظَّلمَه في قلب الشـوارع وأفقِـدْ أضوائـي

تِصَدِّق حتَّى بسماتـي .. أهَلِّـي فِيهـا وتِقفِّـي !
تعال ولَمْلِمْ جُروحـي ورَتِّـبْ فُوضَـة أجزائـي

يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!

( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..
كأنْهَا طَعنِتِكْ ' ضِيفٍ ' وقلبي ..... حَاتِمْ الطائـي


.
.

[ăήғăş]

.
.


يا ( سيِّدة شعري ) أنا .. قومي إرقصي بين السطور
في داخلي شوق / وعذر .. والله يعيـن المبتلـي ..!

زعلانه منـي ! وتنهـدم فينـي ملاييـن القصـور
لأنك طموحي .. ورغبتي .. وتخطيطي لـمستقبلي !

' بركان ' شعري .. ما هدى وخايف مع المُده يثور !
في غيبتك .. شفتي الشعر وشلـون فينـي ينغلـي ؟

زعلانه أدري .. وضيقتك في داخلك أربع شهـور !
وتأكدي إنَّ إزْعَلِـك .. هـو يُعتَبَـر نفـس إزعَلـي

يا زهرةٍ وسط العمـر مـو مثلَهَـا باقـي الزهـور
يطاوعك قلبك كذا ؟ - عن زارعـك مـا تسألـي !

ما كني إلا لك سما .. وفي هـالفضا إنتي طيـور !
يعني وجودك زينتي .. ولزوم فينـي [ تمتلـي ] ..!

من يوم ما غبتي وأنا : ضايع بلا قلـب وشعـور !
تايه ولا عندي أمـل .. فـي آخـري وفـي أولـي

يا أطهر اللي قابَلَـت عينـي علـى مـر العصـور
تعالي عندي وإسكنـي فينـي .. كفـى لا ترحلـي !

يرضيك أقابل هـالبحر وأرمي من الضيقه صخور ؟
وأذكر سوالفنا بـوَلَه .. وش قلتلـك / وش قلتِلـي !

في غيبتك حالي تَعَب ..وصرت ما أحـب الظهـور
ما غير أتمتم في نِدَم : يا وَيْلَ لـي يـا وَيْـلَ لـي !

إيه أعترف خنتـك , ولكنـي رغـم هـذا غيـور
أرفض تخونيني .. وأدري فيك ما ترضـي علـي !

شاعر .. وأكتب ما أبي وأقولها فـي كـل غـرور
إنك تحبيني غصب وسِمْعـي الكـلام اللـي يلـي :

كان القصايد مطلبك ؟ وهـي اللـي بتحـل الأمـور
بكتب قصيده أحلى من .. ' صَوتُ صفيـر البُلبُلـي '


.
.



يتبع ..

[ăήғăş]

.
.


شِرَق هذا الفراق اللي كِسَرني حـزَّة غروبـك
بغيتك وإستحَت عيني من الغلطات صدقنـي !

كتبتك من قبل لا تجرح الكلمـات مكتوبـك ..
إذا عندك عذر باقي على التقصير إعذرنـي

كثير الهَم متعوِّد علـي .. وإنـت يـا دوبـك
وكافي الحزن لو عنَّه أغيب أيَّـام ' يفقدنـي ' !

حبيبي ليه متضايق وعلي متغيِّر إسلوبـك ..؟
يبيِّن لو سِكت قلبك .., بأنْهَـا ضيقتـك منـي

غيابي كان مو بيدي خذاني الحظ من صوبك
وقلبي هذا هو حظه غريبٍ , من صغر سني ..

أبيك وما أبي غيرك .. وتأكد قلـب محبوبـك
جبره الوقت يتناسى لأجـل بالخيـر تذكرنـي

إذا ردَّت علي أبقى معاك وثوبـي مـن ثوبـك
ولكن [ الزمن ] .. لمَّا أقرِّب يبعـدك عنـي

غصب رايح ولا برجع لأني أبـرز عيوبـك
حرام إنَّه يجي واحد يلومك من كثر ' حزني ' !

ترى ما رحت من كيفي عشان أتحمَّل ذنوبـك
أنا شفت الزمن ناوي علينا وقلت له : خذني ..

واذا قالوا : رَحَل عنِّك حبيبك ، فتِّش جيوبـك
تطمَّن قلبـي بـجيبـك حبيبـي لا تدوِّرنـي

لذلك قلت في نفسي أبي أبعد عـن دروبـك ..
تأكد غيبتي هذي عشانك إنـت ... صدّقنـي


.
.

[ăήғăş]

http://up3.m5zn.com/photo/2009/5/18/03/84pihmj9q.bmp/bmp




شي يخصك باقي عندي ،، " قلب " من غيرك وحيد .. !!

ما يبي يبقى معاي .. !! .. يا أجيلك أو يجيلك .. !!

يسألوني الناس عنِّك ،، وليه ما أكتب [ قصيد ] .. ؟؟

قول ،، لا تسكت ،، تكلَّم .. !!

وش أجاوبهم دخيلك .. ؟؟

إختلفنا ،، !!

وماعرفنا شنهو الراي السديد .. ؟؟

يا تضحِّي في عنادك ،، أو ،، أضحِّي في سبيلك .. !!

ليه كل عيد إنتْـفارق .. ؟؟

صرت أكرَه كل عيد

وإنتْـ فارق ،، في [ غلاتك ] ،، وقلبي ما عنده مثيلك

المشاعر من غيابك يا دفا إحساسي ،، جليد

طحت من عيني لـ قلبي ،، وما قدرت إنِّي أشيلك

يشهد الله ،، من رحلت وفي حياتي ،، لا جديد .. !!

وكل ما ألمَح سرابك ،، أرتِبِك ،، الله وكيلك

حالتي صعبه بدونك ،، وكيف حالك يا بعيد .. ؟؟

أشتكي منِّك إليك ،، ومن جروحي ،،،، أشتكيلك

والله ما قصرَّت فيني بس ،، ودِّي لو تزيد .. !!

يعني " إذبحني " وكمِّل يا بعد قلبي جميلك .. !!

أدري غلطاتي كثيره ،، وفوق كل هذا عنيد .. !!

وش تسوِّي هذا حظِّك رغم زلاتي [ خليلك ]

أقتلك .. !!

لا من خطيت ويا عسى عمرك مديد

و أعذرك .. !!

لو كنت قاتل لأنه يستاهل قتيلك

ويلي منِّك لو نسيتك والزعل طبعاً " شديد "

ولو أحس لحظه بـ أنِّك منشغل عنِّي ،، يا ويلك .. !!

كل عاذل جاك بَعْدِي ،، وقالـ لك إنِّي " سعيد "

ما صِدَق ،، !!

وين السعادهـ ،، والحزن شيَّد رحيلك .. !!

وكل عاذل قال عنِّي شي ،، إحساسه بليد

ما قدر ياخذ كثيرك ،، صار يطمح في قليلك .. !!

وكل عاذل إن عطيته وجهـ ،، ورَّاك المزيد

لو يقول إنَّهـ : يبيلك خير ،، والله ما يبيلك .. !!

جيتهم طيِّب وأدري،، في زماني ما يفيد

وش حصيل الطيب فيهم .. ؟؟

ومن فراقي ،، وش حصيلك .. ؟؟

بترك الدنيا عشانك ،، دام هذا ما تريد

ويا عسى كلمة " عشانك " ،، تشفي يا روحي غليلك .. !!

الدليل إنِّي أحبك ،، صرت أحسِّك بـ [ الوريد ]

وأدري في قلبك يحبني دون ما أسمع دليلك .. !!

في عيونك صرت ( شاعر ) واصل القمَّه فريد

وصرت تسوى في عيوني كل بَني جنسك ،، وجيلك .. !!

مثل قلبك ما ألاقي ،،،، ومثلي ما تلقى أكيد

يعني ما عندك بديل ومستحيل ألقى بديلك،، !!

يا غزالٍ شُوف قلبي ،، ما يبي غيرك يصيد

ولا بغيتك ،، أدري وينك ،، أسمعك وأتبَع [ سبيلك] .. !!

إجلس بـ عرش الفؤاد ولك أحاسيسي عبيد

وإعتبر حُبي نهارك ،، وقمرةٍ ،، تضوي في ليلك

ياللِّي شيَّعت المفارَق إشرَب وصالي و أزيد

خذ دفا إحساااسي و " إدفا " ،، كان بردك ،، هد حيلك .. !!

يا أجيلك .. !!

يا تجيني .. !!

هذا هو الحل الوحيد ،، وإنتَ قرِّر يا حبيبي

يا تجيني .. !!

يا أجيلك .. !!

[ăήғăş]

--| وصيّهـ |--



وصِيَّه مِن قبل مُوتي أبكتِبها بدُون ألقاب
عشان اللِّي يجي بَعدِي يتذكَّرني ويقراني

صَريحَه صَفحِتي هذي وبخلِّيها بدُون إحجَاب
بَسولِف للمَلا .. واللِّي على قلبي على لساني

بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني

أبذكِر .. كِل ما أذكِر مَدام إن الزمَن ينعاب
أبغرق .. وأشعِل ظنُوني مَدام إن العُمر فاني

برسِّي مِن بُقى فيهُم وعَسَاها تِسلَم الأرقاب
وأبلفِظ آخر أنفاسِي عشان القاصِي والداني

ترى ما كِل مِن قرَّب قِريبٍ .. والغِياب غياب
ولا كِل شَخص يِضحَك لِي أعِدِّه مِثل إخواني

أهاب المُوت في لحظه ولحظه المُوت مِنِّي يهاب
أواسي نفسي بنفسي وأكُون المَجني الجاني

أنا ما أكتِب شعوري عَشان ألقى صَدَى وإعجاب
أنا أكتِب .. لَجِل أرضِي جُروحي وضِيق كِتماني

وإذا قلبي غدا شايب من همومه بَعدني شاب
وعُمري توَّه صِغيِّر ... وقُويَه حِيـل أمتاني

أبد ما كِنت مِتصَوِّر تِجيني نشوة الأحباب
لأني ما عرفت [ الحُب ] .. إلاَّ يُوم ناداني

وقبل لا أقول كِلماتي وأودِّيني على المحراب
أبدفِن دَفتِري بإيدي .. مَدام الوَقت حدَّاني

إذا شمس اللِّقا غابت وتفارقنا بدُون أسباب
بتذكرني مَع الأيام ؟ .. وإلاَّ عادي تنساني

سؤال يدُور في بالي حبيبي والظنون إقراب
أنا إن رِحت عَن دربي يا غالي وين ألقاني ؟

وإذا كان الوصِلْ صَادِق ترى بُعدك عَلي كذاب
أفكِّر فِيك وفي حَالي حقيقه الحُب أعْمَاني

خذاني مِنْك وسواسٍ فِتَح للأسئِله .. أبواب
يخلِّيني أشِك إنِّك تِحِب لِك واحِد(ن) ثاني !!

يا خُوفِي الحَظ مَا يَصدِق مَعَاي ونِنتِهي أغراب
لأني كِل ما أحْلِم أشوف .. الوَقت صحَّاني

حبيبي .. لا تِطمِّني وتِشقِق مِن غلاي ثِياب
أبَسكِن دُوم في بالِك و أبيك تِكُون عنواني

مَدام إنِّي لَجِل عِينِك زَعَل مِنِّي كِثير أصحاب
ترى لازم لَجل عِيني .. تِعَوِّض كِل حرماني

نويت أكتِب شِعِر عَنِّك مَدامِك للشِعِر طلاب
عسى يعجِبك ما باقي مِن حُروفي وألواني

أغمِّض عِيني وأكتِبلِك وأفتحهَا ألاقي كتاب !
شعوري إنصدم منِّي .. وأثاري هذا ديواني

[ăήғăş]

.
.


بلآد الحـلم (http://www.movn.net/A7maD_AL_9ane3/BeLaD_AL_7eLm.ram)


.
.

[ăήғăş]

م ـحال



الحزن في غيبتك له لون داكن ..
مات قلبي ويحسبوني الناس حي
كنت عايش إيه فـ غيابك / ولكن ..
فاقد إحساسي بحياتي وكل شي



http://up3.m5zn.com/photo/2009/5/18/04/n0w9tklvm.jpg/jpg



مِسكتك " حلم " في " واقع " رفض يحقق أحلامي
مثل ذاك السراب اللي خذاني بعيد
.......... وما نلته !!

عليك اللـه , إرحمني ذبحني . . جرحي الدامي
وسيفٍ رافعه بوجهي عشان أرضيك / عانقتهـ
أشوفك " طيف " وأتخيِّل وجُودك , وإنت قدامي !!
ولكن الغياب أقوى .. صِدمني وقال: ما شفتهـ
لي الله صرت لطعوني ( هَدَفْ ) ولطيبتي الرامي
أنا [ لا طاعني هذا الزمان ] .. ولا بعد طعتهـ !!

حبيبي
صَعبه أتحَمَّل جُروحي وعظَّة إبهامي
قضى صبري وكل حَلٍ عشان الحُب ؟ جرَّبتهـ
إذا لِك يُوم مِتضايق ..؟
أنا الضِيقات أيامي
وإذا لِك يُوم تذكِرني ..؟
أنا النسيان زعَّلتهـ
وإذا جِسمِك تعَب , حتى أنا خايف مِنْ عضامي ..!!
أنا أمري إلى رَبِّي .. مِنْ الصَدمات / سَلَّمتهـ

محالٍ
ألتقي بنقطه معاك .. وأنصُب خيامي
[ ربيعك ]
وين يا الغالي..؟
أنا أسمع فيه ما عشتهـ

أنا اللي كنت أسهَر لك وأقول: لراحتك نامي
غفى بعض التعب فيني وبعضه فيك سهَّرتهـ
تِغمِّض جفني بـ خيوط النهار وألمح أوهامي
وأرجع أكتشف جفني معك ما يوم غمَّضتهـ

تعوَّد قلبي من صُوم اللقا , لا تجرح صيامي
لقانا تحسبه ذنبٍ غريبه شلون حلّلتهـ ..؟

وش الحيله .. إذا أفقد دواي , وألمَح آلامي
لاجل أوصل إلى قلبك طريق المُوت أسْلَكتهـ
وفجأه صرت لك شاعر وعينك كانت إلهامي
وكل بيتٍ عجب غيرك لاجل أرضيك بس .. قلتهـ

كأنك صَحرةٍ تُورِد غياب // وينكِسِر ضامي
دخيلك ..
قلبي الضامي ..
أمانه
ليه كسَّرتهـ ؟؟

يمُوت الحب لا يمكن , أموت ويبقى هُو " سامي "
وإذا حُبك مثل ( سِيفٍ ) ......؟
تأكد
إنِّي عانقتهـ







أمانه .. كيف تتحمل عيونك لحظة فراقي..؟
وأنا عيني من غيابك حبيبي
( ما تنام الليل)

[ăήғăş]

.
.


أدري والله يـا حبيبي مِـن ورى عيـني تخون
لا تِظِـن إنِّك مِكَـذَِّب .. لا تِصَدِّقهَـا ظِنونك

ومِن يقول آنا أحِبـك وقلبي عايش لِك يصون
آنـا مثلك يا حبيبـي مِن ورى عِينك أخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنتَه يخونك


.
.

[ăήғăş]

|| غــ ص ـــب ||



http://up3.m5zn.com/photo/2009/5/18/04/nouijnbwe.jpg/jpg



شاعرك .. من يوم " شافك " ؟ مستقر , وضعه كثير
مايبي غيرك ولو فرشوا له الدنيـا ( ذهب )

ما أبيك تقول : ودي ... بس ... خايف مايصير !
دام أنا عايش / تمنى . راح يصير الشي [ غصب ]

ما هو لايق .!! ألمح أحزانك على " وجهك " .. وأدير !!.
راحتك في ( المرتبة الأولى ) , و إترك لي , التعب

[ إربط حزامك ] حبيبي . باخذك منهم . و أطيير
: تصدق إني .. طول عمري .. ما أحب إلا { الصعب ..! . :

أعترف " مجنون " في حُبك . . . رغم عقلي الكبير
ما إعْجبك غيري ! أنا إللي راح أوريك - العجب .

للـ فعل ( ردّة فعل ) إلا أنت !! , مالك أي : نذير
فجأة من الله " أحبك " بليا أفعال و سبب .

قلبي - طفلك , إللي مهما يكبـر , بـ عينك : صغير
يعني " قلبي " لو ما إنتَ ؟؟ كان عمره [ ما لعب ]

إن خطيت - أسامحك .. لأنه . . يجمعنا ( المصير )
و إن خطيت بـ يوم ؟ - تقبل زلتي , بـ صدرٍ رحب .

ربّي إللي ميّزك فيني . . . . وخلاك ( إنت غير )
و :: نرجسيتي فيك :: لأني بس أنا , طلت العنب

يا " عسل دوعان " من شفتك أحس إنّي : بخير
{ نخلةٍ } . . جتني / وتنتج أجوَد أنواع الرطب

الحلا .. مثل // البدايه // بس , ما فيها أخير
وشاعر إلهامه عيونك . . لا تلومه لو كتب

القصر [ قلبي ] وهذا التاج و توّجتك / أمير
ولا تحاتي شي ...... دامك فيه . وإحساسي الشعب

[ăήғăş]

وين ودّتْك الليالي ..؟


.
.



غيمه مرَّت في حياتي .. والرَعَد خوَّف غزال ..
وضاقت الدنيا بـ عيني يا بعد كل " الغوالي " ..

رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !

هذا آنا .. اللي دوَّرتك وعاااندت " المُحال " ..
ما لقيتك ! وينك إنت ؟! ما لقيتك يا منالي !

إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!

ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!

أدري إنِّك ما تبالي .. و " غيبتك "أكبر مثال ..
وشي طبيعي لو جرحني قلبك اللي .. ما وُفالي

وتدري إنِّي مآتحرَّك شامخٍ مثل الـ " جبال " ..
وماخضعت إلا لـ ربٍ وقت هالضيقه صفالي ..

ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..

ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!

ما سمعها غير " قلبي " .. والله يا ولد الحلال ..
وإلا أنا ما جيت أكتب وآنا في دنياي سااالي !

جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه ..و والي

ودِّي أكتب لك قصيده و ودِّي أرسم لك هلال ..!
صفحتين بـ إيد شاعر مُرهف إحساسه خيالي ..!

القصايد يا حبيبي هي ترى مثل : [ العيال ] ..
ومن رحلت بعيييد عنِّي .. قمت أتفقَّد عيالي ..!

وين ودَّتك الليالي ؟! هذا هو أصعب سؤال !
وما لقى قلبي إجابه . . . وين ودَّتك الليالي !

ترجف أيامي حبيبي وصارت الفرحه " محُال " ..!
بردك اللي ما رَحَمني.. شوووف منّه وش جرالي !

ما بقى أي شي [ غالي ] .. وضعت في كلمة ( تعال ) ..
وما ذبحني غير إنِّك . . . . . يا بعد دنياي " غااالي " ..!

لا بغى يتركني قلبك .. تكفى وصَّهـ بالعدال !
إبعد شويَّه .. وإرجع .. وإبعد .. وإقطع وصالي ..!

ليه يعني في البدايه جيت . . يسْبقْك الدلال ؟!
وليه [ تتقهوى ] غرامي وتنثر بـ إيدك " دلالي " ..!

قلت لك : إنَّ المحبه , ما تْحشِم قَدر الرجال ..
لـ إستوى بعين { المحبَّه } الثقل ويَّا هبالي ..!

وقلت لك : نظرة عيونك من علامات الجمال ..!
إستغفر الله .. لا نظرت المُر صار المُر " حالي " ..!

وقلت لك : ما أبي أحبك .. وإنثنى راس العقال
قلبي عاندني وحبِّك ..وطااح من راسي [ عقالي ] ..!

تَحْسِب إنَّه زال حبك ؟! لا يا عمري " ما يزال " ..
صعبه يتغيَّر مكانك . . . وإنت لي أوَّل وتالي ..!

الغنى .. ماهُو حصيلٍ من . . . دنانير ومال ..!
الغنى .. معناه شوفك يا حبيبي وراس مالي ..!

كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالي " ..

كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!

قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!

وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!



.
.

[ăήғăş]

( جزر الكناري )



مدخل :
هذا وإنتَ إسمك : {حبيبي} إبتعدت !!
كيف لو إنّك " عدو " وإلا " غريب " ؟
لما في جرحي على قلبي إجتهدت
شي أكيد الجرح لك منّه " نصيب "
قلت لك بنسى المحبه " ما وعدت "
وإنْ تراجعت بـ كلامي ماهو عيب
كنت أحزن لك ، وأفرح لو سعدت
طول عمري كنت من عينك قريب
وحدك إللي في وسط قلبي : قعدت ،
صرت تجرحني وعلى إيدك أطيب
يسألوني الناس عنّك - من بعدت ؟
عطني { حلٍ } يقنع العالم ، وغيب



http://up3.m5zn.com/photo/2009/5/18/05/0b5gxs4cr.bmp/bmp



:


زعلان مني حبيبي والسبب : [ غيره ] !!
عَلْمُوه عن حالتي . . إنْ كان مو داري

الحاله حاله . . . وشفت الموت من غيره
- أعيش كّني { غريبٍ في عُقر داري }

مرات .. أقول - المفارق : أحسن وخيره !
ومرات .. أكره فراقه ، والألمـ .. طاري



مفروض إنْ شفت شرّه .. ما أنْكره خيره
ومفروض إنْ شاف شرّي ، يذكِر أمطاري

{ الناس } غيري وغيره ، ما لهم سيره
يتابع الكل . . . . أخباره مع أخـباري

" جناح " قلبي - في إيده ، تم تكـسيره
و دعيت له في السلامه ويشهد الـباري

إحساسي ديره .. وهو إللي يَحْكُمْ الديره
( ولاء مطلق )
له :
شعوري و أشـعاري

وجهي . ليا من لمحته ، مـ أقْدر آآديره
سترت جرحي ،
ويقول القلب : أشش عاري !!

عيني بصيره و إيدي كانت : قصيره ،
أشوفه قدام عيني . . و الجفن ذاري !

يبقى حبيبي " حبيبي " رغم : تـقصيره
وأبقى حبيبه غصب عن عين أعـذاري

:

الجار له حق ، إذا هو وجّب : الجيره ،
وخل يذكر إنه حبيبي وأغلى من جاري

إنْ كان رايح مع [ العذال ] .. تفكيره :
بـ أروح جزر الكناري ، أكتب أفكاري


:





مخرج :

عليك إنْ شفتك " أسمّي "
عسى تبقى . . وأدعي لك ،
لأنك نعمه من ربي :
حمدت الله على النعمه !




يتبع ..

[ăήғăş]

http://up3.m5zn.com/photo/2009/5/18/12/35q05ov4o.bmp/bmp



لأنّك ... : لص .
سرقت القلب من ( داخل ) ضلوعي ,
دون ما أدري !
و تزعل لو أقول إنّك – حرامي ؟!

ولا تزعل
حقيقة إنّك "
|
حرامي و " نص "

أبي لي قلب من عندك . . . عديم إحساس
و أبيك . . . الناس .
أبي لا نمت في محجر [ عيونك ]
تنكتِم أنفـاااااااااس
وأبي لا قلت لي : شلونك ؟ :
و أنا أشوفك , أقولك .. / أصصصـ .. ..

حبيب الروح
تعال
و – روح
لكن !
لا تخليني في " هذي " الأرض ,
ألملم قلب من شافك ؟
يقول إنّك { هدية حظ } .!

أنا ما أبيك في قلبي | معاهم |
بغيت ~ الكـــل
من حولك . . . في قلبي
وحضرتك
بـ :: النص .!

.
.



http://up3.m5zn.com/photo/2009/5/18/12/kg4coq2xb.jpg/jpg



كنت أظن الحظ جابك و | إبتسَم
أثر أنا و ( الحظ ) . . . مانواطن بعض !!

الأمل في دنيتي .. يامـا .. إنهدَم .
و " الفَرَح " ما يوم في عمري – ومَض

جرح ( غيري ) بـ إختياره : إلتئَم !!
و آنا جرحي ؟ ليه عـ القلب / إنفرَض ؟!

ليت قلبي من جروحه , إفتهَم ,
غيري عـاش الجرح .. مرّه .. و إتّعَض

مايحس [ القلب ] من كثر | الألَم
راحت الراحه . . . وعلى اللـه العَوَض .

جيت من أقصاي وماكان العشَم
تصدِم إللي صوبك إحساسه - رِكَض ،

من يعلّم { طيبتي } :: درب الندَم ::
دام صارت " نيتي البيضه " ~ مرَض !

ما ألوم القلب عايش في وهَم
يكفي .. يثبت لي [ حياتي ] لا نُبَض

قلبي من دنياي " عمره " ما : سلَم
.. كل ما زانت .. لي الحظ - إعتَرَض !

كنت أظن الحظ جابك و | إبتسَم
قبل مايقفي بك و ( نخسِر ) . . . بعض !!

[ăήғăş]

http://up3.m5zn.com/photo/2009/5/18/01/aa03jr3v5.jpg/jpg



خل نفترق تكفين .. و إحنا عزيزين
مدام قلبك صار ( قاسي و جاحد ) !

ماكنت لك [ واحد ] أساوي ملايين ؟
وشلون خنتيني على شان [ واحد ] !

الحين .. وش بعد الخيانه و بعدين ؟
شفتك معاه بعيني واللــه شاهد !

و مدام ( قلبك ) قادر يحب شخصين
ماهي غريبه .. لو تحبين { واااجد } !

تقولين لي : راشد ! بـ إسمي تغلطين
وتنادينه : أحمد ليه ؟ هو إسمه : راشد !

مثلك يشوف الحُب لعبه وتخمين ،
ومثلي يحب ، وعنده الحُب خالد !

إنتي الوحيده وسط قلبي ، وتدرين ..
ما فيه [ غيرك ] داخل القلب قاعد !

كتبت " أشعاري " لأنك : بـ تقرين ،
وإلا شعوري من هـ الأبيات زاهد !

يالله ، فمان اللــه ما أبي تردين
إنتي { خطايا } والخطا منّي - وارد

إنسانه حلوه صح .. بس ، ما تحسين !
وطبيعي [ قلبي ] من - جروحك . يباعد ..

صيري فـ مكاني وشوفي شنهو تسوين ؟
ياللي في قلبك [ شوق ] الأحباب ، بارد !

رايح أنا .. ولا تسأليني على وين ..
منّي لك أقرَب صار " كوكب عطارد "




مخرج :
بعد لا تنطق بكلمه ولا تورّيني : [ برهانك ] ،
يا خوفي تغلط بـ إسمي وتزوّد ثورة أحزاني
أنا ملّيت أطوّف لك وأقول المخطي لسانك ..
بغيّر إسمي من : أحمد ، إلى : مجنونك الثاني

[ăήғăş]

http://up3.m5zn.com/photo/2009/5/18/01/tvdfkeo1k.jpg/jpg

[ăήғăş]

http://up3.m5zn.com/photo/2009/5/18/01/v48j6f214.bmp/bmp




.......... قومي : نامي .
لي متى ! , تقري | كلامي ؟؟

ماتعبتي من " السهر " ؟!
يـ الله
قدامي

وإلا ( لأ )

ما أبي – قدامي !
أبيك { تتغطي } بـ جفني
و / بـ عيوني . . . تنامي

كل شي " فيني " , يهمك
أدري
ودّك ~ كل لحظه ~ آكون : يمّك :
يـ إللي | إسمك |
غير .. عن كل - الأسامي !

تاخذين ( القلب ) منّي ! و تاخذيني !
وإنتِ < فيني >
شلون لو ودّي / ألمك ؟؟
قومي نامي ......... .
إسمعيني ,
مايطوفك " شي " لا نمتي بـ :: عيني



http://up3.m5zn.com/photo/2009/5/18/01/hunggt2uf.bmp/bmp




من متى ؟ وعيوني [ عنّك ] .. صايمه
..................... من متى ؟ وإنتِ ( تبين ) و ~ ما تجيني !!

يا " حمامة بيت " فيني , حايمه
..................... أفقدك ... دايم ... وأدري ! - تفقديني

صرت أحس . . . ! إنك ( مشاعر دايمه )
..................... مهما غبتي بـ / المسافه ؟؟ : تسكنيني

لو تجين أجوائي ؟؟ صارت [ غايمه ]
..................... تجمعين << إحساسي فيك >> و ~ تمطريني

إحلمي بـ . . . الحُب . . . | طفله هايمه
..................... و إن صحيتي ؟؟ تسبّحي بـ ( دموع عيني )

موتي فيني .. دام عشتي ! : ضايمه
..................... وعيشي عمرك ... يا حياة ... القلب { فيني }

يـ الله نامي .... . لك ( عيوني ) عايمه
..................... إنعمت , عن [ شوف غيرك ] صدقيني !!

راح ’ أغَمّض ’ طول منتي – نايمه
..................... و " السهر " موضوع بين / العين و / بيني

يا { صباح الخير } و إنتِ :: قايمه ::
..................... هو صباحك ليه يفرق ؟؟ علميني ..!

يا بعد قلبي , و كل من لايمه ,
..................... تصبحين بـ - خير و أكثر " تعشقيني "




http://up3.m5zn.com/photo/2009/5/18/01/kqehuz03a.bmp/bmp




النوم | ميّت عليك | و ماخذا ~ ديّه .
و أحلامك ؟ , ليا " سهرتي " تكون ( ولهانه )

{ وجهك } مثل – عيد و البسمات – عيديّه
فديت ! نظرة " عيونك " و إنتِ / نعسانه

أقول ( عاديه ) . لكن منتي : عاديّه !!
ملآك , نازل عليّ في صورة , إنسانه

نامي , , , وتشوفين أحلى أحلام ’ ’ ’ ورديّه

النوم < سلطان > و إنتِ ؟ [ بنت سلطانه ]







ولي بآك اذا طاح بيدي شي *_*

[ăήғăş]

ت ـعبان




http://up3.m5zn.com/photo/2009/5/26/11/43gb41d4e.jpg/jpg


.
.


تـصـدق حـيـل أنـا تـعـبـان ولـكـن مـاأبـيـن لـك
ابـيـك تـحـس مـن كـيفـك أنـا مـابـي الـمح لك

ترى المفروض تتكلم وعن الي فيني تسألني
إذا انت انسـان مـاتفهم شسوي فيك علمني

دخيلك حـس بـأحـزاني اشوف بضيقتي فرحك
تقـول اضـحـك عـلشـاني تبكيني وتبي اضحك

بـديت اخـاف أنا منك واحس انك سهل تنسى
شقـول اكثر بعد عنك وانت من الصخر اقسى

ترى المفروض تتكلم وعن الي فيني تسألني
إذا انت انسـان ماتـفهم شسوي فيك علمني

طلـبتك قـول اي كلـمه وحـاول بـس تـهديـنـي
تجي صدمه وراء صدمه من الصدمـات يكفيني

طـبيعـي اعـتـب او ازعل اذا كل يـوم تجرحني
ياعـمي روح ولاتـسـأل و ابـيـك بـخيـر تذكرني

أنا غـصب عـلي عـايش غـصب اتحمل طعونك
يـجيني سهمك الطايش واضمه لخاطر عيونك

ترى المفروض تتكلم وعن الي فيني تسألني
إذا أنـت انـسان ماتفهم شسوي فيك علمني


.
.


للاستماع (http://qsayd.mothhelah.com/alsan3/Ta3baaN.ram)

[ăήғăş]

http://up3.m5zn.com/photo/2009/6/2/06/3wlmf4g5w.jpg/jpg








http://up3.m5zn.com/photo/2009/6/2/06/knda6swmt.gif/gif

ما أبي من زود حُبي .../ أربكك !
_______ لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
_______ أدري إنِّك واقع / وتطري البيوت ..

يا عيون الريم وشلون أشبكك ؟!
_______ من يشوفك قال : ما شا الله توت ..!






http://up3.m5zn.com/photo/2009/6/2/06/7bk4txo35.gif/gif

موَّت غيابك سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب ونبض القلب حي !




http://up3.m5zn.com/photo/2009/6/2/06/9rwth3fhj.gif/gif

قلتي ..
" أحبك "
من بعيد و ....... ضعت
شوفي عاد , لو من قريب ؟
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟
مدري لي جابك نصيب !




http://up3.m5zn.com/photo/2009/6/2/06/umm3996dt.gif/gif

إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !
ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !



http://up3.m5zn.com/photo/2009/6/2/06/t08bvbf4f.gif/gif

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك




http://up3.m5zn.com/photo/2009/6/2/06/tsk3bbxt6.gif/gif

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]




http://up3.m5zn.com/photo/2009/6/2/07/n2ivvqw9e.gif/gif

قالوا ( بلادك ) قلت قلبه : بلادي
يعني أحبه ومن دواعي سروري

قالوا الركاده قلت مجنون : غادي
عقلي يحبه , ورايكم مو ضروري

قالو تبيه ..؟ وقلت حتَّى : فؤادي
طاريه دهن العود .. وطيفه بخوري

آنا بـ وادي وهـ الخلايق بـ وادي
أغيب عن هـ الناس أخفي حضوري




http://up3.m5zn.com/photo/2009/6/2/07/01b3yndqs.gif/gif

لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] , ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

إذا لِك يُوم مِتضايـق ..؟ أنـا الضِيقـات أيامـي
وإذا لِك يُوم تذكِرنـي ..؟ أنـا النسيـان زعَّلتـه




http://up3.m5zn.com/photo/2009/6/2/07/jr5rs8r8k.gif/gif

أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!



http://up3.m5zn.com/photo/2009/6/2/07/4mfqdvof2.gif/gif

تعبتْ / وما صِدَقْ حَظي وفوق الهم أشيل .. الهَم
صغيرٍ في العمر آنـا .. وكبيـره حيـل مأساتـي

محدْ يدري عن أخباري , محد ../ في دنيتي مهتم
وحيدْ أمشي مع همِّي وكبيرْ " الحزْن " فـي ذاتـي

سِمَعْ قلبي عَنْ الراحَه { واهيَّه مِنْ الوهـم } أوهم
أعيشْ آنا بوسط واقعْ .. نهاياتـي فـي بداياتـي




http://up3.m5zn.com/photo/2009/6/2/07/yq1p2t84h.gif/gif

ليه أحبك وأدري إني في بحر غدْرك غريـق ..؟
وليه أتصفّح حياتـك؟ دام عذّبنـي الغـلاف ..؟

إن عشقتك صدقيني كني عاشقْ لـي حريـق !!
الحَطبْ عمري ..{ وناركْ بس تاكلْ ما تخـاف }

قلبي إختـارك وجيتـك / طايـرٍ حـرٌ طليـق
ما ملا غيرك عيونه .. وياما , في دنياه شاف

إحتمَل قلبي وجودك وإحترى يصبح عشيـق
ما لقا فيك المزايا وإسمحي لـه " الإنصـراف "









http://up3.m5zn.com/photo/2009/6/2/07/afgqqi84z.jpg/jpg

[ăήғăş]

http://up4.m5zn.com/9bjndthcm6y53q1w0kvpz47xgs82rf/2009/8/27/04/ti52pshiw.jpg


في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني ؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !



http://up4.m5zn.com/9bjndthcm6y53q1w0kvpz47xgs82rf/2009/8/27/04/ti52pshiw.jpg