ضابطــات امن في المدارس.. هل هو الحل؟؟

[منتهٌٍـ ٍـٍى الرٍُقـٍهہٍ]

السلام عليكم ورحمة الله وبركاته

طرحي اليوم لموضوع او بالاحرى مشكله ارقتني واشغلت بالي كثير ..
وياما فكرت بحل جذري لها لكن بدون جدوى..

لعله قصور فكري مني .. او لتفاقم المشكله .. لكن الاكيد اني فضلت اطرحه بين اياديكم
واتمنى منكم حوار بجديه وواقعيه بعيد عن المثاليه والتكلف ..او طرح حلول مستحيله ..

بتلكم عن حركات البنات في المدارس . والاحترام اللي صار شبه معدوم
وتفاخر البنات بينهم انهم غلطوا عالمعلمه الفلانيه .. وسبوها .. وضربوها كمان ..

طالبات ابتدائي.. اثناء الدرس فصفص .. واستهبال على بعض.. وانواع الافكار الشيطانيه للانتقام من بعض

طالبه حقدوا عليها وببساطه جابوا علك واكلوها ولصقوها بالكرسي والطالبه تجلس ببراءه وتتفاجا الام المسكينه في البيت انو مريول بنتها انعدم عشان تفكير سقيم واحقاد تبدأ في قلوب اطفال من هالسن الصغيره ...!..

طالبات الثانوي .. لعب بالمويه وترويش في بعض .. !. وياما البنات زلقوا فيها..
واطوروا صاروا يجيبون فيري .. عشان يحلى اللعب .!!!.

طيب يامحترمه ما وصلتي لسن انك تعرفي خطورة اللي تسوينه .. وش لك بذنب وحده فيهم تزلق بالمويه وتطيح وتكون الضربه الموديه بحياتها .؟؟. وتضيعين حياتها بسببك طيشك ؟؟ .


المضاربه في المدرسه وبين الطالباااات .. ياكثر ما صارت . وش خلوا للاولاد دام البنات وصل بهم الحال لهالدرجه.. ؟؟

تجيب البنت اللاب توب للمدرسه وتعطيه لزميلتها تروح فيه للبيت .. طيب لهالدرجه ما صار عندك خوف على امورك الشخصيه ؟. تضمنين زميلتك واخلاقها؟ تضمنين اخوانها ما ياخذوون جهازك ويتعبثون بشغلاتك الخاصه ؟؟

حركاتهم بالباصات عالم ثاني من الاصوات العاليه وقلة الحياء اللي يسوونها على السواق..


طبعــاً الحب والاعجاب بين البنات اتعب وانا احكي عنها ..

وشرايح الجوال ارقام كثيره للبنت الوحده.. تكلم من الشباب ما الله اعلم بعددهم ..هذا غير للي تجيب جوالها للمدرسه .. طالبات ثانوي !!!.

طيب يا انثى ..ياناعمه .. يا قاروره مثل ما وصفك صلى الله عليه وسلم .. كم محاضره وكم شريط وكم ندوه وكم معلمه وكم ..... تكلموا عن البنات اللي ضيعوهم الشباب بسبب مكالمه؟ كم من اسر تدمرت ...؟ كم من ام انجلطت وكم من اب مات بسكته بعد ما سمع باللي تسويه بنته ؟؟


مجموعه في الباص نزلوا وشافوا سيارة واحد من الشباب عجبتهم السياره
ببساطه شديده تفتح البنت الباب وتركب فيها وتلعب عليها بحجة انها عجبتها ...

نفسي وين الدور في التربيه قبل التعليم

وزارة التربيه والتعليم ... يعني فضلوا التربيه على التعليم .. اذاً وينها؟؟؟؟

التعليم يشكي الحال الا من رحم ربي والتربيه مفقوده طيب وش استفدنا من المدرسه ..؟!

يجلسون ببيوتهم احسن .؟؟؟
والله ياما قابلت حريم يقولون بناتنا سادس ابتدائي وكفايه .. ماعندنا استعداد بعد بكره البنت تجيب
لنا مصيبه بنص البيت عشان تكمل تعليمها. دامها تقرا وتكتب كفايه عليها.. .

والله حرام بسبب مجموعه ينتهي مستقبل بنات بريئات مالهم في حركات البنات ..

طبعاً المعلمات دورهم انتهى من وقت ما سمحوا بالمكياج ومنعوا الضرب في المدارس.
لكن عالاقل الضرب يكون بيد الاداره فقط . عشان المعلمه يمكن تقسى وتعاقب الطالبه بشده وقت غضبها فيكون الضرب بيد الاداره لكن مع الاسف ...

البلا الطالبه توقف للمعلمه بطريقها واذا قالت روحي لفصلك ردت بكل بجاحه.. ما ني داخله واذا فيك خير اضربيني .. ياربي وش هالبنات .. وين تربية اهلك يا محترمه ؟.

لكم ان تتخيلوا اشكال الطالبات مكياج من صباح الله خير ..وعدسات والفتحات وصلت للبطن..
كان المراييل صارت ثياب رجال مو مريول طالبه ..والشعر انواع القصات والاستشوار .
النمص والتاتو والله يكرمكم الجزم انواع الاسبورات والوان فاقعه ..
وكمان اللي يسمونها دنحي ؟؟؟؟

. الحين بعد هالشياكه والاناقه وش بيكون حالهم ؟؟

الموضوع كبير وشاغلني من سنين .. لو بيدي احط ضابطت امن بالمدارس واي وحده تسوي حركات غير اخلاقيه مباشره قضيه ويوصل امرها لوالديها الام والاب.. ولازم حضورهم

ويكون في اتفا مسبق مع الوزاره والشرطه والهئيه .. وتتحول الطالبه للجنه المعنيه بمخالفتها ..

وربي لينصلح حالهم بعد الله .. وينضبطون

لان اغلبهم برأيي تقليد اعمى.. والمراهقه عامله عمايلها فيهم . الوحده همها تثبت وجودها وتنعرف
فما لها الا خالف تُعرف..

اعتذر ..عن الاطاله لكن حرقه بقلبي وودي اطلعها... وهذا المشكله بين اياديكم بدون ترتيب مسبق ولا تنسيق ولا شي .. الافكار مثل ما خرجت من عقلي وصلتكم ..

وجزاكم الله خير ..

الحمد لله الذي عافانا مما ابتلاهم به وفضلنا على كثير ممن خلق تفضيلا

اللهم صلي وسلم على نبينا محمد

[مُجَمۋًٍعَ‘ــہَّ آنسآ‘نَّ]

وموضوع حلو وجميل بس الصراحه

صعبه --دامها ماتربت في بيتهم ماراح تتئدب وبعدين وش بيسوون لها,,


والله يكفينا وياكم الشر يارب

[منتهٌٍـ ٍـٍى الرٍُقـٍهہٍ]

كل الشكر جبرني الوقت لحضورك وردك على الموضوع
وانا معك في موضوع التربية بالبيت لكن لو حطن تربية الاهل على جنب
وبدأن يسون اللي بروسهن وش طبهن ؟
انا ابي دور التربية بالمدرسة وش دور المعلمات والادارة عامة

[فوضــة مشــآعر]

بسم الله الرحمن الرحيم

موضوع دسم ومتشعب لكن بحاول اني افيدك
لكن قبل ذالك خلينا نتفق أن المشكلة ليست مقصورة على البنات

ابدأ بالمعلمين

"اغلبهم " يؤدي عمله وكأنه موظف عادي بأي دائرة حكومية
ويكون حضورة للعمل ( أداء وآجب ) لا أكثر .

وينسى أو يتناسى أنه تربوي ومن واجبه أن يتابع طلابه بأستمرار
والمتابعه والتقويم يجب ان تتعدى مفهوم ( الاختبارات )
وأذا أحس المعلم بأن الطالب الفلاني يعاني من مشكلة معينة
سواء المشكلة بالتحصيل الدراسي أو تصرفات غير مقبولة دآخل الحرم المدرسي
فيأتي هنآ دور ( المشرف الطلابي ) اللذي لايوجد له دور للأسف الآن
ومن المفترض أن يتابع مشاكل الطلاب ومحاولة حلها بشكل " تربوي علمي مدروس "

والمشاكل بالتعليم لا حصر لها


لكــــن

المدرسة كمؤسسه تربوية تعليمية لا تستطيع أن تقوم بدورها بشكل سليم
مالم يتعاون ( المنزل ) معها ....


فعندما نريد أن نحل مشكلة علينا أولاً أن نرى اسبابها ثم نعالجها

واسباب مشكلتنا اللتي نتحدث عنها كالآتــي /

- عدم قيام المنزل بدورة في تربية الأبناء
- ضعف إعداد المعلمين لممارسة العمل التربوي بكل أقتدار
- الثقافة الهابطة اللتي استوردها المجتمع بعد الانفتاح والعولمة (والطلاب شريحة من هذا المجتمع)
- المشاكل والتخبط بوزارة التربية والتعليم

ببساطه الحل الجذري اللذي ننشده هو بمعالجه النقاط السابقة
وهذا يتطلب الكثير



لكن كمحاولة قد تفيد ارى بأن الحل هـــو /

أن تقوم المدرسة بتعيين من ( 3_5 ) معلمات "على حسب عدد الطالبات"
يحملن تخصص (التوجية والأرشاد)
وهو تخصص مستقل مثله مثل ( الطب النفسي )
ويكون لهم قسم مخصص بالمدرسة ومساحه كافيه
ويتفرغن للتوجية والأرشاد فقط



مجرد رأي يحتمل الصوآب وكذالك الخطأ
ارجو ان أكون وُفقت بإيصاله

( ريحــــــآنه )

موضوع حساس ومهم جداً
وإذا كان الموضوع قد شغل بآلك
فهذا يدل على سمو تفكيرك
بتجاوزك التفكير بالمشاكل الشخصية
واهتمامك بشريحه قد تكون هي العامود الفقري للمجتمع

لكِ كل الشكـر والتقدير

والحوآر مفتوح إذا أردتــي


مودتي

[منتهٌٍـ ٍـٍى الرٍُقـٍهہٍ]

اسعدني حضورك اخي المستطرفـ
وتطرقت لجوانب مهمة جدا في الموضوع
ولكن عندما ينعدم دور الاسرة او البيت
عن التواصل مع المدرسة هنا وين دور الادارة
الإداره اصبحت تتهاون في بعض المدارس ..
من عدم الجديه في فرض العقوبآت ..

والله أستغرب لما تصير مشكله سببتها طالبه يعطونها تعهد وليته ينفع تزيد المشاكل ..
تعهد ورى تعهد مافي فايده ..وياليت التعهد يصير بملفها ..
وربي حنا نلعب على انفسنا .كأننا في مسلسل نعد ونمثل وتنتهي المسرحيه..

اتكلم من واقع تجربة احنا بمجمع ابتدائي ومتوسط وثانوي
والمرشدة معلمة واحدة فقط وغير مفرغة واجهتني كذا
مشكلةمع الطالبات بس ممنوع اي عقوبة غير التعهد
حاولت ادور حل بس يد وحدة ماتصفق ..ابي دور الادارة بالتربية
وكذلك احنا المعلمات من جانب التربية

[فوضــة مشــآعر]

عندمــا ينعـدم دور الأســرة
يصعب أن تُحــل المشكلة

فلنعتبر مثلاً أن الأدارة المدرسية تقوم بدورها على اكمل وجه
لكن الطلاب يرون النقيض تماماً بالمجتمع اللذي يعيشون فيه

هنا تحصل مشاكل أخرى ...


لكن لاينفـع التباكـي على حال المجتمع

لذالك يجب ان يقوم المعلمين بجهود فرديه
حتى لا تتفاقم المشكلة أكبر من ما هي عليه

وأرى بأن يقوم المعلم بمعالجة كـل حاله على حِدى
وتختلف الطريقة على حسب سن الطالب والمرحلة اللتي يعيشها

أذكـر لكِ كتآب لعله يعينك وباقي المعلمات على معالجة المشكلة

وأسمه (( مشكلات تربوية )) لـ محمد الفوزان


ودي وجزيل شكـــري لكِ أخت "ريحـــآنــه"